Nan yon twit li fè dimanch 1e novanm 2020 an, ansyen minis edikasyon nasyonal sou pouvwa Martelly an, Nesmy Manigat, deplore konpòtman yon lekòl ki bay timoun 1e ane fondamantal pote 18 liv.
Anndan pòs sa, Nesmy Manigat akonpaye l ak foto lis lekòl la, li te pran tout mezi posib pou l pa montre non lekòl sa.
#KwèNanLangOu
18 liv pou yon timoun nan 1e ane lekòl se yon gwo vyolans ak gaspiyaj lajan. Anplis, tout an franse e ladan yo 2 bib. Se nòmal pou 5% sèlman pami yo rive fini Segondè. #12Mezi yo dwe kontinye ak akò ak @AkademiKreyol, evalyasyon kreyòl Leta depi 4e AF a Bakaloreya. pic.twitter.com/WSrkwnP0X7— Nesmy Manigat (@nesmymanigat) November 1, 2020
Pou Nesmy Manigat, konpòtman sa se yon gwo zak vyolans ak gaspiyaj lajan. Ansyen minis lan souliye tou ke tout liv sa yo ke lekòl la pwopoze a yo an fransè, epi ladan menm lis liv sa gen 2 bib.
Li ale pi lwen pou l di se nòmal ke se 5% timoun sèlman ki rive fini segondè. Pandan l ankouraje pou 12 mezi yo kontinye ak akò Akademi Kreyòl, evaliyasyon Kreyòl leta depi 4e AF a bakaloreya.
N ap atire atansyon w pou di ke anpil lekòl nan kapital la toujou bay paran achte pil liv pou timoun. Dèfwa paran yo konn plenyen pou valiz la k ap kase epòl timoun yo, dèfwa lekòl la pa menm travay nan tout liv yo sou ane a, oubyen yo anplwaye strateji bay pil liv pou pèmèt liv yo fè anndan lekòl la vann.
Dekouvri plis:
Tout sa w dwe konnen sou “menopoz”, yon tranzisyon natirèl kay fanm
