7 pasaje ki te nan bis « Sans Souci » libere kont ranson
14 jiyè pase a, endividi ame te tire sou yon bis Sans Souci, nan zòn Gwo Mòn epi rantre kidnape 10 pami 40 moun ki te twouve yo anndan otobis sa, selon Jeanty Tecieux. Redaksyon an aprann gen 7 nan yo ki arive jwenn liberasyon yo apre lajan ki fin bay pou sa.
Ravisè yo libere moun yo yè maten kont ranson, san pa t gen entèvansyon lapolis pou liberasyon yo daprè sa enspektè Belizaire Élifranc konfime. Responsab jidisyè a kontan paske moun sa yo ap rejwenn fanmi yo san okenn nan yo pa gen anyen nan sa k gen pou wè ak vi yo
Pami 7 pasaje sa yo te gen yon prèt pami yo ki rele Carl-Henry Lucien ki te twouve l abò bis sa.
Bis Sans Souci t ap soti Sen Lwi di Nò pou rantre Pòtoprens, rive Gwo Mòn se la li ta pral sibi atak ame sa. Responsab konpayi Sans Souci an te pote eksplikasyon pou di se 10 moun ki kidnape, si n kwè chif sa ta sipoze rete 3 moun toujou nan men endividi ame sa yo.
Le parti “Ayisyen Pou Ayiti” consterné par l’assassinat du président
