Aprè Baky fin anonse 2 album li yo pou 7 ak 8 me k ap vini la, Wendy parèt li mete rezo sosyal yo cho.
King Chinwa yo san zatann mete rezo sosyal yo cho jodi samdi a ki se dènye jou nan mwa avril la. Nan yon videyo 37 segond, Wendy anonse yon nouvo pwojè k ap soti 3 me k ap vini la. Rapè a ki gen anpil Chinwa k ap tann li, fè pòs sa aprè atis Baky Popilè te fin anonse dènyeman li ap soti 2 album pou 7 ak 8 me. Pou anpil moun k ap kòmante, yo estime semèn sa k ap vini la deja anonse lakoulè bò kote fanatik 2 rapè yo.
Anndan videyo sa, Wendy chita sou yon biwo, li abiye tou de nwa, vè li nan men l ap bwè « rhum Barbancourt », li pa pale, li jis pran plim li epi l ekri «3/3h/3mn/3s». Anpil moun ki konn King lan byen getan konnen li vle di yo ret branche 3 me, a 3 è. Videyo sa getan gade plis pase 13 mil fwa sou kont Twitter Wendy nan moman nou t ap ekri atik la.
Aprè videyo a, Wendy te twit pou l di: «Nou konn PRENSIP la deja CHINWA
Nou gen 3 RDV 3 MAI . 3MN 3 SEC. 3 x 3 = 9 👉🏿 9 MAI LIVE IG poum Esplike nou PLAN ..Epi 3 JUI .. 3H 3MN 3S … SAISON 2 PART 1 ».
Baky Popilè sou bò pa l, aprè anpil kritik bò kote entènot ki toujou ap mande album li te toujou anonse a, deside delivre machandiz la 7 ak 8 me sa. 7 me Rap ap rete Rap ap soti, epi 8 me Chante ap ret Chante. Jou sa yo bagay yo pral move anpil sou rezo sosyal yo.
Olfton Benoît ki se yon jèn animatè nan sektè mizikal ayisyen an kontan poutèt 2 atis yo ap lage prèske menm lè, li eksprime santiman l sou kont Twitter li aprè pòs Wendyyy an: « Mwen te anvi wè sa lontan, mwen te anvi wè Wendy ak yon lot rapè lage nan prèske menm epòk. Mwen enpasyan pou m wè kijan sa pral pase ant Baky ak Wendy nou jou k ap vini yo la.2 gwo talan, 2 gwo rapè, viktwa pou tout fanatik mizik! »
Dekouvri plis:
Haiti-Ed For Kids encourage l’excellence et soutient des enfants défavorisés dans le Grand Nord
