Sosyopolitik
-Nan yon dekrè Jovenel Moïse soti, li prevwa 50 tan prizon ak 2 jiska 200 milyon goud pou moun k ap fè kidnapin, mete barikad, detwi byen moun, pote zam ilegal, ki se enfraksyon pou sekirite piblik la, daprè dekrè prezidan an.
-Manda gouvènman tranzisyon an ap kòmanse 7 fevriye 2021 pou bout an 2023, selon manb opozisyon an ki prevwa enstale yon jij.
-Medsen Hans David Télemaque te kidnape 28 novanm pase a epi ta pral libere nan 29 apre kidnapè yo te fin mande 50 mil dola ameriken ak 200 mil dola ayisyen.
-Zòn Kanapevè, Lali, Bwavèna, Boudon, te bloke lendi 30 novanm lan aprè ke nèg ak zam te fin kidnape yon chofè ak 2 elèv lekòl.
-2 jou depi fanmi l pa t gen nouvèl li, ansyen minis kominikasyon Guyler C Delva yo te retwouve l madi 1e desanm lan nan yon chanm otèl nan PV kote yo te jwenn li prèske enkonsyan epi fon aksidan kadyovaskilè ki ta pral paralize yon pati nan kò l.
-#2 chèf gang Vilaj de Dye a, Adisson Maf jwenn arestasyon l nan peyi Sendomeng, samdi 28 oktòb la.
-Lapolis PV arete 3 prezime bandi epi rekipere yon zam ki se pwopriyete PNH la.
-Minis afè etranjè a, Claude Joseph toujou an vizit nan peyi Sendomeng depi 29 novanm pase a kote l ap rankontre prezidan dominiken an ak minis afè etranjè dominiken an.
-28 novanm pase a fè 3 mwa depi Montferrier Dorval te mouri asasine, nan sikonstans sa, plizyè avoka te f on sitin dat sa pou kontinye mande jistis pou batonye a.
-Delimart Tijo a ap louvri pòt li 15 desanm k ap vini la, daprè sa pwopriyetè l, doktè Reginald Boulos anonse.
Entènasyonal
-Yon pwokirè nan Sendomeng akize frè ansyen prezidan Danilo Medina ki ta rafle 4 milya peso nan kontra piblik pandan Medina t ap dirije peyi Sendomeng.
-Biden nome 7 nouvo manb nan kabinèl. 7 nouvo manb sa yo tout se fanm, pami yo Karine Jean Pierre ki se yon amerikèm dorijin ayisyèn k ap gen pou jwe wòl atache de près prensipal adjwent.
Kilti
-Salon Dahome ap fèt 13 desanm nan restoran Yanvalou, selon eksplikasyon Darline Honoré.
-Atizana an fèt se pou 5 ak 6 desanm, nan Tara’s.
-Festival grafiti lanse 3 desanm lan pou bout 13 desanm lan, kote tout aktivite yo ap fèt nan inivèsite Kiskeya.
-Atis Blondedy Ferdinand anonse li divòse ak mari l.
Spò
-Akayè FC kalifye pou demi final lig dè chanpyon Concacaf. Yo te bat Forge FC nan tiwobi ki se yon ekip nan peyi Kanada.
