Gras ak double li fè jodia pou premye match ekip Pòtigal la kont Ongri, Cristiano Ronaldo vini meyè bitè listwa konpetisyon koup dewòp la.
Resan chanpyon koup dewòp la depase fransè a Michel Platini nan klasman sa ki te ak 9 gòl, pòtigè a make 11 gòl pou 5 patisipasyon l nan Koup Dewòp.
Jwè Juventus laprès anonse ki sou depa, se sèl jwè nan listwa konpetisyon sa ki patisipe 5 fwa ladan l (2004, 2008, 2012, 2016. 2021) epi make pou tou lè 5 patisipasyon l yo.
An 2004 li make 2 gòl , 2008 li fè yon grenn, 2012 ak 2016 li fè 3, epi li make yon double lane sa pou premye match li.
Gras ak 2 gòl sa yo jodia, Cristiano Ronaldo bezwen sèlman 3 gòl pou egale rekò mondyal jwè ki make plis gòl ak seleksyon foutbòl peyi yo. Se yon iranyen ki rele Ali Daei ki kenbe rekò sa toujou ak 109 gòl.
Sou koulè mayo ekip Pòtigal la, Cristiano jwe 176 rankont, li make 106 gòl epi bay 31 pas gòl. Tank sitwayen an ap granmoun se tank nivo foutbòl li pa vle bese.
Dekouvri plis:
End: Ziona Chana, sitwayen 76 lane ki gen 38 fanm, 89 timoun ak 33 pitit pitit la mouri
