Semèn pase yo, plizyè jounal nan kontinan Afriken an te fè konnen Giosame Sithole akouche 10 timoun (7 gason ak 3 fi). Eben dam sa twonpe vijilans anpil moun paske li pa t janm ansent vre.
Selon dènye enfo k ap sikile yo, moun vin dekouvri dam sa se yon mantèz, li pa t janm ansent alevwa pouse 10 timoun. Yo menm kalifye « Menteuse pathologique ».
Dam sa menm arive fè bè l apre l te fin anonse li pouse 10 timoun. Selon plizyè medya fanmi l te arive kolekte 70 mil dola don nan men bon samariten ki te vle ede l apre yo fin tande nouvèl la.
Dout sou akouchman an vin vini apre kesyònman mari dam lan ki pa t janm ka wè timoun sa yo. Teboho Tsotetsi ki te swadizan papa 10 timoun envante sa yo, te atire atansyon moun pou di se yon mansonj madanm li envante ak fanmi l pou fè lajan.
Se la tou ke lapolis ta pral arete dam sa, mennen li nan sant sikyatrik. Apre egzamen medsen ki te sou li, yo dekouvri dam sa pa t janm ansent alevwa gen 10 ti lèzanj anndan vant li.
Malyèn lan Alissa Cissé toujou kenbe rekò manman ki fè plis timoun yon sèl kou, kote li te pouse 9 timoun nan yon lopital nan peyi Mawòk.
ekouvri plis:
Franckétienne, Emmelie Prophète et Louis Dalembert honorés par l’Académie Française
