|
Getting your Trinity Audio player ready...
|
Dèlma 48: Mouvman pwotestasyon pou egzije liberasyon doktè Hervé Chéry
Yon gwoup moun ki gen ladan yo doktè ak pasyan leve kanpe jodi jedi 19 out la pou mande liberasyon jinekològ obtetrisyen Hervé Chéry endividi kidnape madi 17 out la pandan l ap sot travay nan lopital DASH Petyonvil la.
Repòtè Juno7 te konstate kawotchou ki t ap boule pandan mouvman pwotestasyon sa. Sikilasyon an te konplètman bloke devan lopital DASH la nan moman nou t ap ekri atik la.
Lopital DASH nan yon nòt te getan deplore sa k rive a epi anonse tout 20 klinik li yo ak 8 lopital li yo fèmen depi jodi jedi a. Sof sèvis ijans ak ospitalizasyon kritik ki operasyonèl.
Doktè Hervé Chéry se yon jinekològ obtetrisyen. Nan moman yo kidnape l la se yon sezaryèn li te sot pratike nan lopital DASH Petyonvil la.
N ap raple w tou gen òtopedis Workens Alexandre k ap travay nan Bernard Mevs ki kidnape yè mèkredi a pandan l kite lakay li pou l te rann li nan lopital Bernard Mevs.
Dekouvri plis:
