24 trèd tan apre ke Dadou Jean-Bart te soti yon nòt pou enfòme ke lajistis pa bò isit blanchi l nan koze akizasyon vyòl sou ti fi. Maten an, ankèt pa FIFA a soti epi bani a vi ansyen prezidan federasyon an nan koze foutbòl.
Chanm komisyon etik endepandan FIFA a fè jijman pa l sou dosye a epi soti vèdik pou di Dadou Jean-Bart enplike nan sa yo te akize l sou ti medam ranch yo soti 2014 pou 2020.
Nan sans sa, enstans entènasyonal la fè konnen ansyen prezidan federasyon an pa gen dwa patisipe ni de prè ni de lwen nan okenn aktivite ki gen rapò ak foutbòl epi l ap peye yon amann 1 milyon dola.
N ap raple w se jounalis Romain Molina ki te mennen ankèt li epi pibliye atik nan jounal The Guardian pou te mete koze sa deyò. Si yè lajistis isit te getan lave men l nan dosye a pou di l pa jwenn okenn chaj epi blanchi. Maten an, FIFA tape jistis bò isit sou do men pou l di l tann jistis ki fyab pale avan nèg isit fè fwit an avan sou dosye sa.
Dekouvri plis:
