End: Minis transpò a Nitin Gadkari anvizaje ranplase klaksòn machin yo pa son enstriman mizik paske bri yo nui l .
Minis transpò nan peyi End, Nitin Gadkari pa kache entansyon l pou l chanje klaksòn machin yo pa son enstriman mizik endyen, selon sa sit fransè Le Progrès fè konnen semèn pase a ke plizyè lòt sit releye.
Koze « kip kip », « pwenp pwenp » nan anpil vil nan peyi End nui minis transpò a, se rezon sa li gen lite chanje klaksòn yo pou l ka tande son ki pi agreyab nan zòrèy li.
« M ap etidye kesyon an, mwen anvizaje elabore yon lwa pa twò lontan pou klaksòn tout machin pran son enstriman mizik endyen pou sa ka pi agreyab pou moun koute », se sa li deklare.
Nitin Gadkari ale pi lwen kote li anvizaje tou retire klaksòn anbilans yo tou pa son ki poze menm jan yon Radyo nan peyi sa ki rele All India pase yo chak maten.
End se yon peyi kote anpil vil li toujou chaje ak machin. Nan peyi sa, klaksonnen fè pati sou jan yon sitwayen kondi. Klaksòn lan pou yo sèvi pou siyale prezans, w ap pare pou w double oubyen degaje pasaj la, sa ki kreye anpil bri.
Selon OMS, polisyon sonò a kapab lakoz pèt odifif yon moun, pwoblèm kadyo vaskilè, twoub konyitif, estrès ak depresyon.
Dekouvri plis:
Au cours des dernières 24 heures, la République Dominicaine a enregistré 996 cas de coronavirus
