Yon bagay ki siprann anpil moun pase an Azi, peyi End. Yon dam mouri pandan maryaj li ap selebre. Bagay sa pa t anpeche seremoni maryaj la kontinye koz mesye a marye menm kote a ak gran sè dam li te sipoze marye ki mouri a.
Dam sa ki mouri an rele Surabhi, malerezman lanmò pote l ale jou maryaj li aprè li gen yon kriz kadyak ki pran l.
Aksyon sa pase zòn Etawah nan Uttar, peyi End, an prezans fanmi ak envite. Fanmi Surabhi, dam ki mouri a, te depoze kò l nan yon chanm sou kote nan espas kote maryaj la t ap selebre a.
Tonton dam ki mouri a fè konnen ak ajans près IANS ke se 2 fanmi yo ki te pran desizyon fè Kumar tou marye ak sè Surabhi a lè l fin mouri.
Frè Surabhi a bò kote pa l fè konnen li pa t wè ki sa l ka fè nan sitiyasyon sa epi kontinye pou l di 2 fanmi yo chita ansanm epi yon manb nan fanmi an sigjere pou gran sè l la ki rele Nisha ki se sè Surabhi tou, marye ak mesye a. Fanmi yo diskite sou sa epi aksepte.
N ap siyale w medsen te getan rive sou Surabhi pou wè pa ki mwayen yo te ka ba l lavi, malgre tout efò yo jèn fi a te rive mouri, se la medsen yo ta pral deklare li mouri pa yon arè kadjak, selon sa medya lokal yo rapòte.
Nouvèl maryaj sa ki siprann anpil moun vizyone plis pase 260 milyon fwa sou Weibo, selon jounal Afrikmag.
Dekouvri plis:
