Etazini : otorite yo nan Utah ankouraje sitwayen yo manje espès ki rele « grenouille taureau » a.
Pou goumen kont envazyon « grenouille taureau » Ozetazini nan Utah, otorite yo nan eta sila vle itilize yon metòd ki ka siprann anpil moun. Yo ankouraje sitwayen manje espès krapo sila.
Nan okazyon semèn nasyonal pou sanbilize sou bèt k ap anvayi teritwa, Depatman Resous Natirèl nan Utah Ozetazini, nan yon mesaj li pibliye sou rezo sosyal Twitter, te pwofite mande popilasyon an kenbe kantite « grenouille taureau » yo kapab pou goumen kont prezans espès sa.
Responsab yo ale pi lwen toujou kote yo mande pou sitwayen manje bèt sa, ki byen « gou » dapre sa yo di. Yo tou pwofite mete lyen ki montre kijan pou moun kenbe epi kwit « grenouille taureau » a nan menm tweet la.
Since it’s National Invasive Species Awareness Week (#NISAW) it’s a good time to remind you that bullfrogs are invasive to #Utah, so you can catch as many as you want. And bonus : they’re tasty. See the @UtahDWR blog for catching & cooking tips : bit.ly/3Gri8Gf
Since it's National Invasive Species Awareness Week (#NISAW) it's a good time to remind you that bullfrogs are invasive to #Utah, so you can catch as many as you want. And bonus: they're tasty. See the @UtahDWR blog for catching & cooking tips: https://t.co/vaHXgmxMiW pic.twitter.com/PaBgxn9Mxw
— Utah Department of Natural Resources (@UtahDNR) February 23, 2023
« Grenouille taureau » se yon espès « amphibien » [bèt ki viv nan dlo ak sou tè] ki mezire ant 111 e 178 milimèt pou mal, 120 e 183 pou femèl e ki fè bri tankou towo bèf. Li peze jiska 600 gram, dapre Inventaire national du patrimoine naturel (INPN), yon enstitisyon nan peyi Lafrans. Li kapab viv 8-9 lane e femèl la ka ponn ant 1000 pou rive 20 000 ze youn oubyen 2 fwa sou yon ane.
Si nou kwè enfòmasyon sit consoglobe.com pibliye nan yon atik en 2021, manje « grenouille taureau » gen risk ladan paske li gen sibstans ki anpwazonnen moun. Men gen posiblite pou evite pwoblèm sa si moun k ap kwit bèt la pran prekosyon sa mande.
En savoir plus:
Kidnapping: arrestation de Fredler GAY et David JOSEPH, bras droit de Vitelhomme INNOCENT
