|
Getting your Trinity Audio player ready...
|
FIFA ap pare pou teste 4 nouvo règ ki ka chanje jwèt foutbòl la konplètman.
Enstans ki okipe l de foutbòl mondyal la ki se FIFA ap pare pou teste 4 nouvo règ li anvizaje mete nan règleman foutbòl mondyal la, selon sa anpil medya etranje releye samdi maten an.
Selon enfòmasyon yo, nan okazyon « Future of football cup » ki gen pou òganize ak ekip U-19 AZ Alkmaar, FC Bruges, PSV ak Leipzig, dirijan FIFA yo pral pwofite teste 4 nouvo règ pou wè si yo ka rantre nan jwèt la.
1-Si oparavan chak mitan te dire 45 minit, nan nouvo règleman k ap teste yo, chak mitan sipoze 30 minit epi kwonomèt la ap kanpe chak tan match la fè yon ti kanpe pou fot oubyen yon lòt bagay kèlkonk. Ki ta tou vle di p ap gen minit adisyonèl.
2-Touch yo ka jwe ak pye nan nouvo règleman FIFA anvizaje adopte pou foutbòl la.
3-Yon ekip ap ka fè kantite chanjman li vle ki vle di sou pwen sa ranplase jwè illimite.
4-Dènye règleman an se sou kesyon katon jòn. Yon jwè ki pran yon katon jòn nan match la ap soti nan match la epi rantre ankò aprè 5 minit.
4 règleman sa yo pral teste nan tounwa Future of Football cup la. Plizyè ekspè ap gen pou analize enpak pozitif oubyen negatif règleman sa yo ka gen sou jwèt la. Si tout bagay sanse dewoule pozitivman, swivi ap gen pou fèt pou ajoute 4 nouvo règ sa yo.
Dekouvri plis:
Le Core Group mise sur Ariel Henry pour former un gouvernement de consensus
