Fiziyad ki fèt yè swa pou louvri maten an ki pote ale jounalis Diego Charles ak militant Antoinette Duclaire, pase pran tou Maxnold Guillaume, gran frè atis Rutshelle Guillaume.
Se atis la menm sou paj Facebook li ki anonse nouvèl la. Nan yon premye mesaj, atis la fè konnen se manman l ki te anonse l nouvèl la ke frè a pran bal.
Kèk minit aprè, li ta pral anonse ke frè a mouri sou kabann lopital. Fwa sa se papa l ki anonse l sa.
Maxnold Guillaume se gran frè atis la, li se parenn li tou. Atis la pa kache kè l ap dechire apre nouvèl sa.
Fiziyad sa ki fèt yè swa fè pou pi piti 12 mò nan zòn Dèlma 32, selon bilan pwovizwa yo.
Fòk nou raple tou menm yè swa sa nan nivo Kriswa, ri Akasya, jounalis Diego Charles mouri ansanm ak militant Marie Antoinette Duclaire epi yon lòt sitwayen idantite l pa revele.
Pou kounya pa gen okenn detay sou sa ki ta lakoz dram sa yo, jiskaske ankèt polisye revele sa ki pase a.
Photo: Ody Bien-Eugène | Juno7
Dekouvri plis:
2200 emplois perdus dans le textile, l’ADIH exige en toute urgence un dialogue inclusif
