Francesco Camarda, 13 lane, make 483 gòl pou 87 match ak ekip jèn Milan AC a
Francesco Camarda se non jèn atakan italyen sa ki gen 13 lane senpman ki make 483 gòl pou 87 match, sa ki bay yon total 5,5 gòl pa match. Ti jèn sa pa pran defans ak gadyen yo pou anyen.
Estatistik sa yo pa kite club foutbòl Milan AC endiferan. Pou kounya, jèn 13 lane a twouve l nan U15 ekip foutbòl italyen an kote l ap jwe kounya ak pitit Clarens Seedorf.
Pou sezon 2017-2018 li jwe 40 match li make 247 gòl. Pou 2018-2019 li make 172 gòl pou 31 match epi sezon 2019-2020 li jwe 16 match li fè filè tranble 64 fwa.
Si Francesco Camarda rete konsa li ka vin yon gwo atakan ki ka itil ekip Milan AC a ki anpàn yon bon atakan depi retrèt Inzaghi. Seleksyon Itali a ka espere li gen yon fiti krak k ap vini. Espere li kenbe fòm sa.
Dekouvri plis:
Transport et Construction S.A, vandalisé, exige la libération d’un de ses employés
