Gwo van panik te soufle nan sant vil kapital ayisyèn lan jodi jedi 2 septanm nan .
Redaksyon Juno7 aprann maten an yon sitiyasyon tansyon deklannche maten an nan zòn anba lavil la kote anpil rafal zam otomatik t ap tire nan tout direksyon epi kreye panik .
Nan nivo ri pave, gran ri, dè mirak, Lasalin, zòn Waf Jeremi elatriye, anpil kout zam t ap tire. Daprè enfòmasyon jounal la rive jwenn, se lapolis ki t ap pare pou mennen yon operasyon zòn anba lavil la, byen avan polisye yo deplwaye enfòmasyon an fwite ki ta lakoz nèg ak zam te mete barikad, tire pasi pala epi kreye yon mouvman panik zòn anba lavil la.
Sitiyasyon sa te lage anpil laperèz bò kote moun ki abitye fonksyone zòn anba a. Anplwaye Ladwàn, BNC, BRH te panike akoz gwo kout zam sa yo ki t ap chante .
Nan moman atik sa t ap ekri a kout zam yo te sispann. Redaksyon an te rantre ak kontak ak yon wo grade nan PNH la ki fè konnen lapolis deplwaye pou kounya pou kontwole sa k ap pase a, si n kwè wo grade sa.
Dekouvri plis:
Le policier Angelo Jeanty arrêté pour son implication présumée dans l’assassinat d’un autre policier
