Malgre gwo fo pa ekip Akayè FC la sou teren ekip meksiken an Cruz Azul, sa pa ka fè n getan bliye tout kalte travay atis Izolan fè pou ekip sa pou l rive kote l ye a.
Izolan ki fèt nan vil Akayè, ki se chantè gwoup Barikad Crew te degaje yon lide ki gran lè l te deside vin prezidan ekip foutbòl Akayè FC ki gen sèlman 5 lane depi fonde.
Gras ak yon pakèt jefò melanje ak sakifis, pitit komin Akayè a arive fè ekip foutbòl komin sa pase nan premye plan nasyonal jistan li arive sou sèn entènasyonal la.
Jean Léonard Tout-Puissant tout moun konnen sou non Izolan pa t janm lache malgre difikilte, lè nou konnen kijan koze foutbòl ye isit. Gras ak li, ekip foutbòl sa chapyon nasyonal D1 an 2019, 3 lane apre klèb la fin kreye (22 fevriye 2016), klèb la patisipe nan lig dè chanpyon CONCACAF epi trè koni sou sèn lokal la.
Se vre klèb foutbòl atis la pran 8-0, 3 jwè pati kite ekip foutbòl men Akayè FC dwe rete kanpe korije sa k pou korije, vini ak nouvote epi rete sou menm dinamik lan ki se angouman pou toujou ap pwogrese.
Tèlman lanmou atis la fò pou ekip la, malgre dewout la li pa kache lanmou l anndan yon mesaj sou Facebook pou tout ekip la pou l di
« Mwen jwenn yon move kado pou fèt mwen jodi a, anpil love Akayè FC, mwen renmen nou anpil pou kouraj nou, nou pase anpil mizè pou n te rive nan faz sa ».
Nan okazyon fèt atis la, sal redaksyon Juno7 la swete Izolan bòn fèt epi swete l kontinye sou menm chimen an.
Dekouvri plis:
Endividi met dife nan kèk machin pandan mouvman 7 tou palè a
