Jade Pinkett revele nan yon entèvyou li separe ak Will Smith depi 2016 avan misye te souflete Chris Rock nan seremoni « Oscars » la.
Jade Pinkett revele nan yon interview li bay ak Hoda Kotb li separe ak Will Smith depi an 2016 byen avan aktè a te souflete Chris Rock nan seremoni « Oscars » pou yon move blag li estime imoris la te fè sou madanm li. Dam lan nan kad entèvyou sa fè plizyè revelasyon sou sa k konsène relasyon l ak papa pitit li, daprè sa jounal britanik The Guardian rapòte nan yon atik.
« Mwen te fè yon pwomès ke nou p ap janm gen yon rezon pou divòse. Nou pral travay sou nenpòt bagay. Apre sa, mwen jis pa t kapab kraze pwomès sa a », se sa Jade Pinkett deklare.
Pi lwen, li ta pral kontinye pale de relasyon an pou avwe ke li menm ak Will Smith separe depi 2016 byen avan sa k te rive ane pase nan seremoni « Oscars » la. Jade Pinkett te retounen sou ensidan pou fè konnen li te panse konpòtman Will Smith lan se te yon pyès teyat. « Mwen di tèt mwen se yon sketch. Mwen te di pa gen okenn mwayen pou Will Smith frape l. Se lè l tounen vin chita m ap reyalize se pa t yon sketch. »
Jade Pinkett ak Will Smith marye an desanm 1997, yo gen 2 pitit: Jaden et Willow. Will Smith gen yon lòt pitit gason ki rele Trey li fè ak yon lòt fi nan yon lòt maryaj.
N ap raple 27 mas 2022, Will Smith te souflete Chris Rock nan seremoni « Oscars » la poutèt imoris la te fè yon blag sou kràn raze Jade Pinkett. Aprè aksyon an, aktè a te prezante eskiz li bay Akademi an epi soulinye lanmou fè moun fè bagay moun fou.
Dekouvri plis:
André Francois Giroux, nouvel ambassadeur du Canada en Haïti, a pris ses fonctions
