J’apprends avec Cate se yon nouvo ouvraj Madam Nicaëla Bien-Aimé soti pou timoun de 2 a 6 lane. Majistwa adjwent komin Gonayiv la soti ouvraj sa nan lide pou pèmèt timoun yo aprann ak amize yo. Li t ap reponn kesyon Juno7
Nicaëla: Mwen se Nicaëla Bien-Aimé, Avokat epi pent de profesyon. Mwen se pi gran nan yon fanmi ki gen 3 timoun. Mwen fèt Gonayiv. E mwen se aktyèl Merès Adjwen Meri Gonayiv.
Juno7: Pale nou de nouvo liv sa, kisa k gen ladan l kòm kontni?
Nicaëla: An fèt, j’apprends avec Cate se yon koleksyon de Kaye exzèsis ki gen pou genyen 10 nimewo ladanl. Men pou kounya nou pibliye 2 nimewo ki se: 1- les formes et les couleurs 2- les chiffres et l’alphabet.
Juno7: Rezon kifè w ekri liv sa?
Nicaëla: Mwen ekri l se nan peryòd peyi lòk kote timoun pa t ka al lekòl epi mwen te oblije tounen mètrès pitit mwen Cate e se apati de la m konprann li enpòtan, menmsi lari pa bon ou gen yon entèdiksyon pou soti fok Erika ki s on timoun yo kontinye. E se konsa nou vinn ak pwojè sa. Paske Cate se yon mezon edisyon ki pral gen plizyè pwodui pou timoun tankou :
Kaye ekri ti
Kaye koloryaj
Kreyon
Sak etc…
J’apprends avec Cate se youn nan pwodui sa yo.
Juno7:Timoun ki laj ki ka sèvi ak liv sa?
Nicaëla: 2 an a 6 an pou kaye egzèsis J’apprends avec Cate yo.
Juno7: Kote liv sa disponib epi ak konbyen kòb yon moun ka achte l?
Nicaëla: Aktyèlman li disponib kote sa yo:
Big Star Market
Festi Décorations
Pharmacie express
Alliance française des Gonaïves. Byento nou pwal gen plis pwen de Vant.
Juno7: Ki byenfè ou panse ouvraj sa ka genyen sou timoun yo?
Nicaëla: L ap pèmèt yo aprann pandan y ap amize yo, sitou lè yo pa ale lekòl.
Juno7: Pwochen liv ou se sou kisa?
Nicaëla: Sou lidèchip ak espirityalite.
Juno7: Yon mesaj pou n fini
Nicaëla: M ap di mèsi ak Juno7 pou bon travay li nan kominote an. m ap mande pou Ayisyen mete tèt ansanm pou yo retire peyi a nan sa li ye a. Epi m ap mande paran yo achte Kaye egzèsis: j’apprends avec Cate . 2 nimewo yo ansanm ap koute w 1000 goud.
Dekouvri plis:
Décryptage de la crise Haïtienne”, INCAS en quête des pistes de solution
