Jounalis fotograf Wesly Gedeon mouri aprè yon aksidan moto.
Jounalis fotograf Wesly Gedeon anpil moun konnen nan sektè a kòm jèn ki toujou sou beton an nan fè imaj, mouri depi vandredi, selon sa jounalis repòtè Guerking Souffrant konfime ak redaksyon Juno7.
Papa a konfrè jounalis la te pale ak konfrè Guerking Souffrant pou l di depi vandredi pitit gason l soti li pa rantre, se rezon li te oblije soti pou ale gade kote Wesly Gedeon ye.
Se dimanch maten an, li dekouvri moto pitit gason l nan soukomisarya Kafou Ayewopò, chèf pòs la ta pral konfime l pitit li mouri , li fè aksidan depi vandredi sou ti mòn Nazon an, nan devire pou ale bò Car Wash la.
Selon sa chèf pòs polis la di papa a se sou lechan li mouri aprè aksidan an, li pa t getan rive lopital. Yo mande papa a jwenn ak jij depè ki te fè konsta pou ba l rès detay yo.
Lanmò sa vin blayi tristès nan mitan sektè a sitou moun ki te konn abitye kwaze ak Wesly Gedeon sou teren an nan gwo mobilizasyon ak evènman enpòtan yo. Plizyè konfrè kalifye l kòm yon moun ki te saj, poze.
Tout redaksyon Juno7 la prezante senpati ak fanmi, zanmi, pwòch defen an nouvèl sa atriste.
Dekouvri plis:
République Dominicaine, Panama et Costa-Rica montrent la voie de sortie de crise à Haïti
