Kidnapin: Endividi kidnape sitwayen Olivier Kernizan ki se yon ansyen sòlda ameriken.
Nèg ak zam kidnape sitwayen Olivier Kernizan, yon ansyen sòlda ameriken, jou ki te vandredi 27 out 2021 an, devan baryè lakay li nan Kwadèboukè, li te 10 è nan aswè, selon sa yon pwòch li konfye ak redaksyon Juno7 la.
Endividi sa yo ki te ap bay presyon ak fanmi ansyen sòlda sa mande yon gwo sòm lajan ke pwòch viktim lan te revele nou men li mande pa bezwen mansyone l anndan atik la. Selon pwòch sa, gen plent ki depoze nan lapolis, fanmi Olivier Kernizan pale ak li depi sou dezyèm jou Kidnapin lan sa vle di nan samdi 28 out.
Olivier Kernizan se yon ansyen sòlda jan nou di an nan lame ameriken, pou kounya li se fòmatè nan sekirite epi li se responsab sekirite nan yon antrepriz pa bò isit. Li viv Etazini ak Ayiti men li pase plis tan sou ti bout tè papa Desalin lan.
Fanmi an enkyè epi ap mande liberasyon sitwayen. Kidnapin nan ap pran chè chak jou pi plis kote anpil zak repete dènye jou sa yo ki mete moun nan laperèz pi plis.
Dekouvri plis:
