Ikea, yon gwo konpayi nan peyi Syèd lanse yon boutèy an vè transparan ki fèt pou dlo sèlman ki rele « Cristiano », ki gen pou wè ak non jwè Pòtigè a Cristiano Ronaldo k ap jwe jodi mèkredi 23 jen an kont ekip Frans lan pou dènye match nan gwoup F la.
Gwo kou maketin sa vini apre pil buzz videyo Cristiano Ronaldo a te fè. Jwè Juventus la anndan yon konferans pou laprès li te bay 14 jen pase a te retire 2 boutèy Koka kola epi mete dlo epi deklare: « dlo, pa dwe gen koka ». Yon fason pou montre se dlo ki bon pou lasante.
Apre videyo sa, konpayi koka kola te fè yon gwo pèt kote yo te pèdi anviwon 4 milya dola. Apre konpòtman pòtigè a, plizyè lòt foutbolè ki anndan konpetisyon an te pran sa kou yon challenge. Genyen ki fè menm jan ak Cristiano, gen lòt ki ale nan sans kontrè a, Paul Pogba sou bò pa l te wete boutèy Heineken yo. Sa ki te kreye sansasyon sou rezo sosyal yo.
Boutèy sa daprè fòma konpayi a lage a ap koute 1,90$. Yon gwo kou nan moman koup Dewòp la san konte videyo pòtigè a ki toujou ap woule sou anpil platfòm. Pa menm bezwen pale si Cristiano ta kalifye ak peyi l epi ap avanse nan konpetisyon an.
Dekouvri plis:
23 juin 2004: la MINUSTAH prend le contrôle des opérations de maintien de la paix en Haiti
