Si Ayiti ap danse kanaval pandan ministè sante piblik ak klewonnen respekte jès baryè yo pou pa trape kowonaviris, nan peyi Sendomeng se yon lòt ka figi kote otorite yo demare jodi madi 16 fevriye 2021 an ak premye dòz vaksen kont kowonaviris.
Moun ki premye pran vaksen an se yon kolonèl medikal entènis
Se minis sante piblik peyi vwazen an, Doktè Plutar Coarias ki te anchaje bay premye dòz vaksen sa nan lopital Ramon de Lara. Premye moun ki pran vaksen « Astra Zeneca » kont kowonaviris la se Ramón Familia Alcántanra ki se yon kolonèl medikal entènis, li se direktè medikal adjwen lopital kote otorite yo t ap bay vaksen an.
Vaksen sa te bay an prezans prezidan dominiken an Luis Abinader ki te akonpaye ak vis prezidant peyi sa Raquel Pena.
Minis sante a te kontinye ak plan nasyonal vaksinasyon an kote li te ale nan lopial Moscoso Puello pou vaksinen pèsonèl sante ki an kontak dirèk ak moun ki gen maladi kowonaviris la.
Dekouvri plis:
Ralf S. Rho publie son nouvel ouvrage « Le Poids de Mon Rêve » (The weight of my dream)
