LANSE-HAITI eksprime preyokipasyon l pa rapò ak sitiyasyon politik, ekonomik ak zak vyolans yo nan peyi a
Nan yon nòt li mete deyò jodi lendi 8 avril 2024 la, LANSE-HAITI di l eksprime preyokipasyon l fas ak sitiyasyon politik, ekonomik, sosyal, ensekirite ak vyolans ki pa sispann fè dlo koule nan je popilasyon an dènye tan sa yo, kote tout sa yo makònen ak yon kriz imanitè san parèy.
Toujou nan nòt sila a ki pote siyati Frantz Souverain, Moïse Elius ak lòt ankò, LANSE-HAITI di l pran nòt de siyati 9 pati ki konsène yo nan akò politik pou yon tranzisyon pasifik ak òdone ki bay nesans ak yon konsèy prezidansyèl pou rezoud kriz politik ak enstitisyonèl peyi a ap konnen dènye tan sa yo.
Nan sans sa a LANSE-HAITI mande tout aktè nasyonal ak entènasyonal ki enplike nan demach sila a, pou yo asime responsablite yo ak respekte angajman yo nan lide pou mete yon bout nan kalvè popilasyon an ap monte a.
LI TOU :
