Yon lòt fwa ankò medsen yo te pran lari pou kontinye pwoteste kont koze kidnapin lan ki pa sispann ap monte anndan peyi a.
Jodi lendi a yo te rasanble devan fakilte medsin epi kou yo t ap desann sou Lali ajan PNH te kraze manif sa paske yo te egzije yon pakou ke medsen yo pa t dakò. Sa ki ta pral fè polisye yo fè anpil izaj gaz lakrimojèn pou kraze mouvman an nan zòn sa epi blese yon medsen ki te resevwa yon kout bonbòn gaz la.
Touswit apre represyon polisye yo, medsen yo te gaye epi ale regwoupe nan zòn aveni Magny a kote y ap pare pou desann sou channmas epi chita tann kèk lòt gwoup etidyan k ap pare pou vin ranfòse yo nan mouvman an, selon eksplikasyon youn nan yo ki te pale ak nou.
Plizyè nan yo deplore konpòtman polisye yo. Paske selon yo, se pa sèlman pou doktè Hans David yo ap revandike se pou tout moun ke kidnapin nan frape paske tout moun ka viktim pa fenomèn sa.
