Matisan: Bandi tiye yon ajan UDMO epi boule yon cha blennde.
Yè vendredi nan lasware pandan afwontman ki te genyen ant lapolis ak bandi nan zòn Matisan, PNH la rive gen viktim nan mitan li.
Exil Michelet ki se yon polisye ki afekte nan inite UDMO jwenn lòt lanmò pandan echanj kout zam ak lapolis. Selon enfòmasyon yo li se yon polisye nan 27èm pwomosyon anndan lapolis la. Yè swa foto l t ap sikile sou rezo ak inifòm polis la sou li, mont li nan men l, l ap benyen nan san l.
Nèg ak zam yo ki pa sispann montre fòs yo ak alèzte yo pou enpoze lwa yo te arive nan menm sware sa boule yon cha blennde ki pou lapolis. Yon cha ki t ap mennen operasyon sila a.
Nan moman atik sa t ap ekri enstitisyon polis la poko bay detay sou sa k pase a pou popilasyon an ta rive konnen si gen bandi ki tonbe tou, èske gen blese pa katouch nan ran lapolis la ak bò kote gwoup gang yo.
Depi kèk tan, nèg ak zam achte Matisan lajan kontan anba je otorite yo ki enpwisan pou ta bay yon repons pou reprann kontwòl zòn sa ki se yon espas ki mennen nan 4 lòt depatman nan peyi a san konte rejyon palm lan.
Dekouvri plis:
Le taux de référence calculé par la BRH pour ce samedi 2 Octobre 2021
