Apre Core Group fin soti yon kominike 25 novanm pase a pou kontinye ap presire pouvwa an plas la pou òganize eleksyon prese prese, plizyè sektè ak lidè politik kontinye kritike pozisyon kominote entènasyonal la nan jan yo ap entèvni sou politik anndan peyi a.
Se nan sans sa, sou Twitter, lidè Pitit Desalin lan, Moïse Jean-Charles voye jete an touch pozisyon Core Group la atravè yon mesaj li pbliye a 2 zè 22.
Ansyen kandida pou pòs prezidan an fè konnen peyi a po ko pare pou koze eleksyon paske daprè li gon kriz sosyoekonomik, ensekirite planifye ki enpòte ak enstisyonalize peyi a ap fè fas.
Pi lwen, li fè konnen Leta a pèdi kontwòl peyi a. Fas ak tout sa l rale yo, li baze sou yo pou l voye jete pozisyon kò gwoup k ap mande eleksyon.
Lidè a ki pa twò danse kole ak kèk manb nan lòt branch opozisyon an di li apiye rezolisyon 21 dawout la pou g on tranzisyon anndan peyi a. Pandan l fini pou l di « Aba Enjerans ».
N ap raple Core Group la gen ladan l Anbasadè Almay, Brezil, Kanada, Espay, Frans, Inyon Ewopeyèn, reprezantan espesyal OEA, reprezantant espesyal sekretè jeneral Nasyonzini.
En savoir plus :
3 milyon Ayisyen ap viv san “batistè” daprè Direktè Achiv Nasyonal la
