Polisyè Michelle Nathanielle Megine tonbe anba bal nèg ak zam nan dèlma 75, pandan l pral travay.
Polisye yo kontinye ap tonbe anba bal gang nan peyi a, malgre detèminasyon lapolis la eksprime pou derasinen fenomèn ensekirite a nan sosyete a. Jodi mèkredi 28 dawout 2024 la, Sendika Nasyonal Polisye Ayisyen yo (SYNAPOHA) enfòme sou kont X li, endividi ak zam rive atake byen bonè nan maten, polisyè Michelle Nathanielle Megine ki fè pati 28e pwomosyon lapolis la.
Pandan atak sa a, polisyè a rive pèdi lavi l malerezman, toujou dapre enfòmasyon SYNAPOHA kominike. Zak sa a rive fèt nan ri kasayòl 12 pwolonje, e gen 13 enpak bal ki remake nan vit machin Michelle Nathanielle Megine ki t ap travay nan dèlma 75.
