Nofraj yon bato nan Marigo: 30 moun sove, 12 moun mouri selon bilan pwovizwa yo.
Yon bato ki rele « Eclésiaste » ki fè trajè Ansapit/Marigo arive fè nofraj jodi samdi a bò 2è nan maten selon sa DG SEMANAH a Éric Prevost Junior konfime ak redaksyon Juno7.
Selon dènye chif yo DG a konfime ak nou fè konnen gen 30 sivivan epi 12 ki arive mouri nwaye. Daprè tout dènye enfòmasyon yo, bato sa koule nan yon zòn yo rele « Grosse Pointe » ki twouve l ant Marigo ak Bèlans ki se 2 komin nan depatman Sidès la.
Chif sa yo rete pwovizwa, gen rechèch toujou k ap kontinye. Redaksyon an pa gen detay sou kantite moun ki te sou bato sa ki t ap pote machandiz ak materyo konstriksyon.
Enfo yo fè konnen tou gen 2 nan kapitèn bato sa ki mouri pandan nofraj la.
Dekouvri plis:
Le taux de référence calculé par la BRH pour ce samedi 30 Octobre 2021