Nouvèl lanmò Dalanchika Malbranche yo rele souvan Nègès DA ki gen 8 lane atriste anpil moun sou rezo sosyal yo.
Dalanchika Malebranche yo rele Nègès Da ki gen senpman 8 lane mouri jodi dimanch lan aprè yon maladi li te genyen, selon sa Yenny, sekretè Thòy’Art kote Da t ap ekspoze talan l, anonse sou paj Facebook yo.
Nègès Da ta pral gen yon popilarite sou rezo a avèk chante li te konn chante, li tèks angaje epi li te parèt nan je tout moun ki te konn ap swiv paj Thòy’Art a kòm yon timoun ki trè eveye pou laj li. Sa ki te fè entènot yo renmen gade videyo li yo ak pataje yo anpil.
Nouvèl lanmò ti pitit sa ki gen 8 lane ki ta pral gen 9 van 29 janvye la sekwe anpil moun sou rezo sosyal yo ki pa sispann kòmantè pou montre jan sa afekte yo epi poste foto ak videyo ti pitit sa.
Yenny ak dlo nan je dekri Nègès Da kòm yon timoun entèlijant, ki gen foug, ki te toujou pare pou li gwo tèks,Thòy’Art t ap prepare men lanmò pase pran l nan yon laj anpil moun pa t panse.
Tout ekip Juno7 la prezante kondoleyans ak ekip Thòy’Art a, fanmi ak zanmi Da, san nou p ap bliye tout moun sou rezo sosyal yo nouvèl lanmò sa atriste.
En savoir plus:
Me Jacques Letang, lauréat du Prix franco-allemand de droits de l’Homme et de l’État de droit
