Pwoteksyon Sivil fè konnen pral gen yon eklips pasyèl sou Ayiti demen samdi a.
Pwoteksyon Sivil anonse sou kont X li pral gen yon yon eklips pasyèl sou Ayiti demen samdi 14 oktòb la k ap kòmanse a 12: 26 nan laprèmidi epi k ap fini a 3 è 43.
« Demen k ap 14 Oktòb 2023, pral gen yon eklips pasyèl an Ayiti. L ap tanmen bò 12:26 pou l fini jis bò 3:43. Bò 2 zè, se lè sa a pral gen plis pati nan Lalin nan ki kache Solèy la. Sa vle di limyè solèy la pral diminye anpil nan moman sa a, preske tankou lè li pral aswè », se sa Pwoteksyon Sivil ekri.
Pwoteksyon Sivil te tou pwofite bay konbyen eklips ki genyen. Daprè eksplikasyon li bay, gen 3 tip eklip solèy. Eklips pasyèl, se lè lonbraj Lalin nan pa ale dirèkteman sou Latè ; eklips anilè, se lè Lalin nan pa fin bare wonn la nèt, poutèt li twò lwen li epi eklips total, se lè Lalin nan bare Solèy la nèt .
Dèfwa yo konn rekòmande moun mete linèt ki fèt pou sa pou ka gade eklips la oubyen pa twò fikse.
Yo prevwa pwochen eklips yo 8 avril 2024 nan blòk Amerik di nò epi 2 oktòb 2024 nan Amerik di Sid ak Antaktik.
Dekouvri plis:
Le MENFP ouvrira le chantier de deux écoles nationales dans le département du Sud
