Laprezidans nan peyi vwazen anonse yè dimanch lan yon dam 121 lane ki fèt 13 mas 1900 pran vaksen kont kowonaviris nan pwovens Puerto Plata.
Enfòmasyon sa yo releye pa Diaro Libre ki se yon jounal dominiken ki fè konnen dam 121 lane sa pran dòz vaksen li an nan konplèks espòtif Gregorio Luperón nan pwovens Puerto Plata.
Dam sa rele Ecolastica Gómez, se premye dòz vaksen ke li. Pwovens kote li ye sou twazyèm jounen vaksinasyon kont maladi kowonaviris.
Jounal dominiken an fè konnen kominike pou laprès laprezidans lan ki te enfòme nouvèl la pa presize non vaksen granmoun sa pran an.
Jounen vaksinasyon sa demare depi vandredi nan pwovens Puerto Plata. Plizyè jèn melanje ak fanm ansent te defile ale pran vaksen sa, selon konklizyon jounal la.
Nan estatik ki egziste sou kesyon vaksinasyon kont kowonaviris, peyi Repiblik Dominikèn gen 2,72 milyon moun ki vaksinen, sa ki bay yon total 25,3% popilasyon an ki konplètman vaksinen.
Dekouvri plis:
28 Juin 1811: rébellion des troupes du général Wagnac contre André Rigaud
