Salvadò: twa fanm jwenn liberasyon yo aprè plizyè ane yo pase nan prizon pou koze jete pitit.
Karen, Kathy ak Evelyn, se non twa salvadoryèn ki te fèmen respektivman pandan 6, 8 ak 10 lane dèyè kat miray pou akizasyon avòtman. Medam sa yo ta pral jwenn liberasyon yo nan fen ane 2021 an aprè anpil konba asosiyasyon dwa pou moun avòte te mennen.
« Se yon jwa pou nou tout ki goumen pou liberasyon tout fanm ki nan prizon enjisteman akoz de yon lwa ki pa respekte dwa moun », se konsa Morena Herrera ki se responsab yon asosiyasyon dwa pou moun avòte te pale nan mikwo laprès.
Malgre twa medam sa yo soti nan prizon, asosiyasyon yo kontinye ap mande liberasyon 14 lòt fanm ki anprizone pou menm koze jete pitit la.
Peyi Salvadò gen yon lwa anti avòtman ki trè di pase tout lòt peyi. Kòd penal yo a entèdi jete pitit kèlkilanswa pwoblèm sante yon moun ta ka genyen. Si w pa respekte lwa sa ou ka pran jiska 8 lane prizon. Jeneralman, lajistis toujou pousib moun yo pou « homicides aggravées » ki ka fè w pran menm 50 lane prizon.
Dekouvri plis:
Quand Wilky Toussaint utilise les réseaux sociaux pour présenter ses travaux de recherche
