« Satan 2 », yon misil nikleyè ris ki gen kapasite pou detwi yon peyi ki nan gwosè Frans.
Satan 2 ki gen pou non ofisyèl « RS-28 Sarmat », se yon misil nikleyè peyi Risi k ap dirije pa Vladimir Poutine genyen a dispozisyon l. Daprè yon atik sit Cnews, misil sa kapab detwi yon peyi ki nan gwosè Frans, peyi Frans gen yon sipèfisi 672 051 kilomèt kare.
Nan atik sa ki pibliye jodi samdi an fè konnen misil sa gen yon kapasite 10 mil kilomèt ki ba l kapasite pou l frape kèk vil an Ewòp oubyen kèk vil sou kot lwès peyi Etazini.
Daprè CNEWS, misil sa se misil ki pi puisan yo pa t janm kreye epi souliye okenn teknoloji defans antimisil pa ta an mezi arete l. Li gen yon pisans egzajere epi li ta ekipe de kèk teknoloji fitiv pou twonpe sistèm rada ènmi yo sa ki ta bay difikilte pou ta kanpe l sou wout li, si n kwè detay sit fransè a.
Toujou daprè sit la, misil sa ta gen douz tèt nikleyè ki ta pèmèt li detwi nan yon pousyè segonn teritwa ki nan gwosè Frans oubyen Tegzas nan peyi Etazini.
N ap raple w peyi Risi anva Ikrèn depi jedi pase a kote ris yo deja gen kontwòl plizyè teritwa ikrenyen epi ap eseye rantre nan kapital la pou ta poze men sou li.
Pou kounya, bilan yo rete louch pou konnen konbyen moun ki mouri ak pèt materyèl. Toutfwa, sa pa anpeche medya yo ap sikile chif otorite yo revele yo.
Dekouvri plis:
