Zòn Bèlè ap konnen yon van panik depi 5 è nan maten kote anpil katouch t ap tire jodi samdi 15 me 2021 an.
Selon enfòmasyon ki te rive jwenn redaksyon Juno7 fè konnen se afwontman ki genyen ant Nèg Bèlè ak baz Krache dife ki ta kreye sitiyasyon panik sa.
Sitiyasyon panik sa fè machann pa t ka vin vann vrèman anba lavil la. Zòn Bò Mache an fè, Ri Makajou, sitwayen yo kouri akoz pil tire ki te genyen.
Vè midi, nèg ame ke yon repòtè Juno7 pa t an mezi idantifye ki gwoup yo ye, desann Ri Dè Mirak ak Ri Pave epi tire anlè. Sa ki fè anpil moun kouri, repòtè a pa t konstate viktim apre pil tire sa yo.
Nèg k ap ranje telefón nan Ri Pave te oblije kouri epi ale refijye yo bò Ministè Enteryè.
Nèg ak zam sa yo te mete dife nan treto ki te kreye gwo flanm dife.
Pa t gen entèvansyon okenn polisye ki fèt.
Nan moman atik sa t ap ekri a sitiyasyon an te yon jan bese parapò ak avan.
Jounal la pako an mezi pou konnen si gen viktim nan popilasyon an pandan moman panik sa yo oubyen si gen dega materyèl ki fèt.
Dekouvri plis:
Le DG a.i de la PNH, Léon Charles participe à une séance d’entrainement du SWAT
