Angletè: Pandan aktè Tom Cruise nan tounaj fim « Mission Impossible », endividi vòlè machin li.
Pandan aktè Tom Cruise twouve l nan vil Birmingham peyi Angletè, endividi yo poko idantifye vòlè pou li yon BMW, X7, daprè sa jounal The Guardian nan peyi Angletè revele.
Machin sa te la pou pèmèt aktè a sikile jan l vle nan divès kwen nan peyi Angletè pandan li an tounaj pou nouvo fim Mission Impossible la.
Selon otorite anglè yo, endividi yo pran machin aktè a nan nivo Church Street, devan « Le Grand Hôtel », kote Tom Cruise te twouve l pou repoze l diran pasaj li nan peyi Angletè. Otorite yo ta pral jwenn machin lan kèk tan aprè, anviwon 5 kilomèt pi lwen, selon sa jounal fransè Huffington Post releye.
Si otorite yo jwenn machin lan, malerezman aktè a pèdi tout sa l te gen anndan machin lan. Valiz li, lòt bagay pèsonèl li ki estime a plizyè milye ewo fè vwèl.
Yon sous polisyè fè konnen gras ak videyo siveyans kote aksyon an pase a, gen ankèt k ap mennen pou fè limyè sou dosye sa.
Fim Mission Impossible anpil moun renmen pa bò isit te sipoze soti depi lane pase men akoz koze kowonaviris fim sa sipoze deyò an novanm 2021 epi nan sal sinema an Frans pou zòn mas avril yo.
En savoir plus:
Séïsme: les victimes doivent trouver un accompagnement psychologique au plus vite
