Yon avyon koulè blanch fè yon aterisaj fòse touprè ayewopò Jakmèl la.
Yon avyon koulè blanch fè yon aterisaj fòse touprè ayewopò vil Jakmèl jodi madi 19 oktòb la, selon sa delege depatmantal Sidès la, Pierre Michel Lafontant fè konnen ak redaksyon Juno7 la.
Selon detay delege a, moun nan zòn Jakmèl te remake avyon an ap fè ale retou sou vil la, kèk minit aprè avyon an ale ateri fòse sou yon teren ki twouve l touprè ayewopò Jakmèl la. Teren sa se yon kote ansyen minis agrikilti Gérald Mathurin te gen yon biwo. Yo bay teren sa pote non teren Cross.
Daprè Pierre Michel Lafontant, avyon sa te gen 2 pilòt. Yo kouri kite avyon an, yo pa konn kote yo ye nan moman atik sa t ap ekri a. N ap siyale tou otorite poko rantre nan avyon an tou, lapolis sou plas ap tann jij depè pou konsta.
Direktè ayewopò vil Jakmèl la verifye avyon an pa gen imatrikilasyon, se pa yon avyon komèsyal. Delege depatmantal Sidès la fè konnen tou yo pa gen detay ki kote li soti ak kote li ta prale.
Popilasyon an te fè tantativ pou anvayi aparèy la, lapolis te repouse yo. Pa gen viktim nan zòn kote aterisaj fòse a fèt la.
Crédit photo: Chrisfort Photography
